Cargando…
Atópase na parroquia de San Cibrao de Covas, moi preto da Igrexa parroquial. É de estilo neoclásico.
O capitel é corintio, sinxelo e elegante, cunhas alongadas follas que parecen estiralo. Está coroado por unha cruz latina cunha delicada labra que remata en aresta viva no seu centro e nos seus extremos, parece abrirse unha flor de lis. A cruz non ten ningunha imaxe senón un anel no seu centro sendo as dúas caras idénticas.
O fuste é estriado na parte superior e vaise alisando cara abaixo. Atópase sobre unha plataforma de catro chanzos cun pedestal cuadrangular no que seguramente existiu unha inscrición.
