Edificio de estilo popular, situado na parroquia de San Salvador de Prexigueiró, no lugar do Pereiro.
Está datado no século XX. Ten planta rectangular cunha soa nave. O seu estilo é sobrio con portada alintelada e ventás simples e alongadas. Está coroada por unha espadana dun só corpo con arco de medio punto; enriba del sitúase unha cruz sinxela e dous pináculos piramidais acabados en bóla.
A festividade da Virxe da Caridade celébrase o 8 de setembro.
