O Parque Empresarial de Pereiro de Aguiar é o máis moderno e dinámico de Galicia, feito co máximo respecto ao medio ambiente e froito do traballo de quen creu nas posibilidades de Ourense. A extensión do parque alcanza os 604.253 metros cadrados e os terreos onde se sitúan as empresas están estratexicamente situados, con fácil acceso desde a autovía 52. Este parque achega un alto valor engadido a toda a provincia de Ourense contribuíndo á rexeneración do tecido industrial, á creación de empresas e á xeración de postos de traballo. Só a primeira fase albergou máis de 40 proxectos empresariais. O resultado das actuacións de Xestur foi o nacemento dunha nova área industrial, unha zona limpa e ordenada urbanisticamente, con servizos e infraestruturas de calidade.