Ao longo do municipio atopamos trece parroquias, cada unha coa súa igrexa de peculiar estilo e estudo artístico.
Ademais, moitas das súas aldeas contan con pequenas capelas, construcións de tipo popular propiedade dos veciños do lugar, nas que o culto se celebra exclusivamente no día da festividade do santo. Polo xeral estas teñen forma rectangular e contan cunha espadana na fachada que sostén as campás que se tocan o día da celebración.
